Skip to main content

Posts

ശ്രീലങ്കന്‍ നായകന്‍ ദിനേഷ് ചാന്‍ഡിമലിനു രണ്ടു മത്സരങ്ങളില്‍ നിന്നു വിലക്ക്

കൊളംബോ: കുറഞ്ഞ ഓവര്‍ നിരക്കിന്റെ പേരില്‍ ശ്രീലങ്കന്‍ നായകന്‍ ദിനേഷ് ചാന്‍ഡിമലിനു രണ്ടു മത്സരങ്ങളില്‍ വിലക്കേര്‍പ്പെടുത്തി. ഇന്ത്യയുമായുള്ള പോരാട്ടത്തിനിറങ്ങുന്ന ലങ്കന്‍ ടീമിനു കനത്ത തിരിച്ചടി നല്‍കുന്നതാണ് തീരുമാനം. ഇതോടെ ട്വന്റി20 പരമ്പരയിലെ രണ്ട് മത്സരങ്ങളില്‍ നിന്നും ലങ്കന്‍ നായകന് വിട്ടു നില്‍ക്കേണ്ടി വരും. ഇത് കൂടാതെ ശ്രീലങ്കന്‍ താരങ്ങള്‍ മാച്ച് ഫീയുടെ 60 ശതമാനം പിഴയായി അടയ്ക്കണം.
ബംഗ്ലാദേശിനെതിരേയുള്ള മത്സരത്തിലെ ഓവര്‍ നിരക്കാണ് അച്ചടക്ക നടപടിക്കു കാരണം.  ഇതോടെ തിസാര പെരേയായിരിക്കും ടീമിനെ നയിക്കുക.

Recent posts

രണ്ടു കിടിലന്‍ പ്രീപെയ്ഡ് ഓഫറുകളുമായി വോഡാഫോണ്‍

കേരളത്തിനു വേണ്ടി മാത്രമായി  പ്രത്യേക പ്രീപെയ്ഡ് ഓഫറുകളുമായി വോഡാഫോണ്‍. 151 രൂപയുടെയും 158 രൂപയുടെയും രണ്ട് റീ ചാര്‍ജ് പാക്കുകളാണ് കമ്പനി പ്രഖ്യാപിച്ചിട്ടുള്ളത്..

158 രൂപയ്ക്ക് റീ ചാര്‍ജ് ചെയ്താല്‍ ദിവസേന 250 മിനിറ്റും ആഴ്ചയില്‍ ആയിരം മിനിറ്റും വോയ്‌സ് കോളുകള്‍ സൗജന്യമാണ്. കൂടാതെ 28 ദിവസത്തേക്ക് പ്രതിദിനം ഒരു ജിബി ഡാറ്റ വീതം ലഭിക്കും. എന്നാല്‍ 151 രൂപയുടെ റീച്ചാര്‍ജില്‍ കോളുകള്‍ പരിപൂര്‍ണമായും അണ്‍ലിമിറ്റഡാണ്. അതേ സമയം ഡാറ്റ ഒരു മാസത്തേക്ക് ഒരു ജിബിയാണ് പാക്കേജിന്റെ ഭാഗമായി ലഭിക്കുക.

നിലവില്‍ റിലയന്‍സ് ജിയോയുടെ പാക്കേജ് ഈ ശ്രേണിയില്‍ ഏറെ പോപ്പുലര്‍. 149 രൂപയ്ക്ക് റീ ചാര്‍ജ് ചെയ്താല്‍ അണ്‍ലിമിറ്റഡ് വോയ്‌സ് കോളും ദിവസം 100എസ്എംഎസും 1.5 ജിബി ഡാറ്റ വീതവും ലഭിക്കും. ഇതിനു സമാനമായ 169 രൂപയുടെ പ്ലാന്‍ എയര്‍ടെല്ലും നല്‍കുന്നുണ്ട്. രണ്ടിനും വാലിഡിറ്റി 28 ദിവസമാണ്.

കമല്‍ഹാസന്റെ രാഷ്ട്രീയ പാര്‍ട്ടി ബുധനാഴ്ച, പിണറായിയും കെജ്രിവാളും പങ്കെടുത്തേക്കും

കമല്‍ഹാസന്റെ രാഷ്ട്രീയ പാര്‍ട്ടിയുടെ പേര് ബുധനാഴ്ച പ്രഖ്യാപിച്ചേക്കും. ഉലകനായകന്റെ നാടായ രാമനാഥ പുരത്തുവെച്ചാണ് പാര്‍ട്ടി പ്രഖ്യാപന കണ്‍വെന്‍ഷന്‍ നടക്കുന്നതെന്ന് സൂചനയുണ്ട്. കേരള മുഖ്യമന്ത്രി പിണറായി വിജയനും ഡല്‍ഹി മുഖ്യമന്ത്രി അരവിന്ദ് കെജ്രിവാളും ചടങ്ങിനെത്തുമെന്ന് സ്ഥിരീകരിക്കാത്ത റിപ്പോര്‍ട്ടുകളുണ്ട്.

മുന്‍ രാഷ്ട്രപതി എപിജെ അബ്ദുല്‍കലാമി്#റെ വീട്ടില്‍ നിന്ന് ആരംഭിക്കുന്ന 'നാളൈ നമതു' എന്ന സംസ്ഥാന യാത്രയാണ് കമല്‍ഹാസന്റെ ആദ്യ പരിപാടി. മധുരയിലെ ഒത്തക്കഡൈ മൈതാനത്ത് പാര്‍ട്ടി പതാക ഉയര്‍ത്താനാണ് സാധ്യത. തുടര്‍ന്ന് നടക്കുന്ന പൊതു സമ്മേളനത്തില്‍ പാര്‍ട്ടി കാര്യങ്ങള്‍ ഉലകനായകന്‍ വിശദീകരിക്കുമെന്നാണ് കരുതുന്നത്.

കുമരകത്തെ ഹൗസ് ബോട്ടുകള്‍ക്ക് ഇനി ജിപിഎസ് ട്രാക്കിങ്

Photo: Wikipedia വിനോദസഞ്ചാരികളുടെ സുരക്ഷ ഉറപ്പുവരുത്തുന്നതിന്റെ ഭാഗമായി കേരള ടൂറിസം ഡിപ്പാര്‍ട്ട്‌മെന്റ് കുമരകത്തെ 104 ഹൗസ് ബോട്ടുകളില്‍ ജിപിഎസ് സംവിധാനം ഏര്‍പ്പെടുത്തി.  തീര്‍ത്തും സൗജന്യമായാണ് ഈ സേവനം ബോട്ടുകളില്‍ ഘടിപ്പിച്ചിട്ടുള്ളത്.

ജിപിഎസ് യൂനിറ്റിന്റെ ഭാഗമായി ഒരു പാനിക് ബട്ടണ്‍ ഘടിപ്പിച്ചിട്ടുണ്ട്. ബോട്ട് അപകടത്തില്‍പെട്ടാല്‍ ജീവനക്കാര്‍ക്ക് ഈ ബട്ടണ്‍ ഉപയോഗിക്കാം. ഉടന്‍ തന്നെ ബോട്ട് ഓണര്‍ക്കും തൊട്ടടുത്ത കണ്‍ട്രോള്‍ റൂമിലേക്കും സന്ദേശം പോകും.

ഇത്തരം സന്ദേശം എത്തി കഴിഞ്ഞാല്‍ തൊട്ടടുത്ത് ഏതെങ്കിലും ബോട്ടുണ്ടെങ്കില്‍ ആ ബോട്ടിനെ ഉടന്‍ രക്ഷാപ്രവര്‍ത്തനത്തിനായി എത്തിക്കാനും ജിപിഎസ് സംവിധാനത്തിലൂടെ സാധിക്കും. ബോട്ടുടമയ്ക്ക് കൃത്യമായി കാര്യങ്ങള്‍ നിരീക്ഷിക്കാനും വേണ്ട രീതിയില്‍ ജീവനക്കാരെ നിയന്ത്രിക്കാനും സാധിക്കുന്നു.

തുടക്കത്തില്‍ ലൈസന്‍സ് ഉള്ള ബോട്ടുകള്‍ക്ക് മാത്രമാണ് ഈ സംവിധാനം സൗജന്യമായി നല്‍കിയിട്ടുള്ളത്. ലൈസന്‍സ് എടുക്കുന്ന മുറയ്ക്ക് മറ്റു ബോട്ടുകളിലും ഇത് ഘടിപ്പിക്കുമെന്ന് ടൂറിസം ഡിപ്പാര്‍ട്ട്‌മെന്റ് ഔദ്യോഗിക വാര്‍ത്താകുറിപ്പില്‍ വ്യക്തമാക്കി.

മമ്മുട്ടിയുടെ പരോള്‍ മാര്‍ച്ച് 31ന് എത്തും

ശരത് സന്‍ദിത്ത് സംവിധാനം ചെയ്യുന്ന മമ്മുട്ടി ചിത്രമായ പരോള്‍ മാര്‍ച്ച് 31ന് തിയേറ്ററിലെത്തും.  ഇനിയയാണ് ചിത്രത്തിലെ നായിക. മമ്മുട്ടിയുടെ സഹോദരിയായി മിയയും വേഷമിടുന്നു. തിരക്കഥ അജിത് പൂജപ്പുരയുടെതാണ്.
(Mammoottys Parole release on March 31st)